الرئيسية
من طرف سيف المهدي الجمعة مارس 14, 2008 11:27 am
هذه القصدة للعلامة الحجة العم السيد محمد علي العلي حفظه الله
ليلة الأربعين
نظمت عام 1429هـ
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــ
من سبيها من سبيها اليوم جاتك يا وليها
من سبيها
* * *
من سبيها اليوم جات العايله
امن الصدر حسره تجرها والدموع الهامله
وظلم ذاك المر عليها اتفصله
اتريد هيه وتشتكي لك هضم بيها التحمله
اعداك ذيچ الولت ليها فرجه هيه اموگفيها
* * *
وبلدة الكوفه او اذاها الشافته
ارجال هالدارت عليها ولنظرها صبته
والحريم التمر عدها جابته
تريد تتصدق عليها ولأطفال اللي اخذته
زينب اتذبه امن ايديها وتاكله ما تخليها
* * *
ومجلس الطاغي وشماته اللي بده
وذاك حچي الگال هوه وعلى السانه ردده
وجوابت زينب برد المرده
وهاج بحقاده عليها وبن احريث العوّده
حرمه او فگدت وليها ما تواخذها ابحچيها
* * *
وذيچ ارض الشام هالعدها اشد
ابباب ابوالساعات وگفت للمهانه ابها البلد
وحين ذاك الرجس تدخل له اعتمد
احبال خشنه چتفتها والحبل ليها ضهد
وگام يتشمت عليها وشتم والدها او وليها
* * *
وشوفها هاليوم جاتك للطفوف
اتزور شخصك يا وليها وابحِمَه گبرك تطوف
آه لو عينك تشاهدها وتشوف
كلها صارت بالنياحه وصدر تلطم بالچفوف
الحرگه ياهو اليطفيها وعلى الفرگه يسليها
* * *
بجدك انعزي ونشكي امن المحن
ليك يالمهدي الفتاوه اكثرت عدنه ابها الزمن
وصارت الأقوال عدنه ابلا ثمن
وكل فرد يعلن برأيه ولو يخالف بٍِالعَلَن
الأمه تشكي البله البيها امن الفتاوى اللي تجيها
* * *
واسمع التطبير هم بيه الجدال
واحد أَعلَنها يحرم بالأصل بالفتوه گال
وخالف السبعين عالم بالمقال
الگالت اهيه بالفتاوه ابلا ضرر هوّه حلال
وهالفتاوه اِمحَرِريهَا وعلى الأمه ناشريها
* * *
وخايفين اعلى بچينه واللطم
انخاف يِصدِر بيه فتوه يحرم اعلينه الخصم
ليه أشر في بيانه أو لو يتم
اتروح من عدنه الشعائر چيف نرضه ابها الظلم
الرحمه بيها نرتجيها چيف احنه نخليها
* * *
واسمع الأمر الجديد اللي صدر
ازيارته عاشور عدنه الثابته وبيها الأثر
امتدت الها ايد منّ بعض البشر
واحذفت لعن اللي بيها يا مصيبه ويا قهر
وهالزياره طابعيها ابلا لعن واموزعيها
* * *
ما يخاف اللي تجرّه ابها الفعل
اتجيه من الله عقوبه ويلعنه سيد الرسل
والصبط بالأيد يدفع له و يذل
ويگطع الأيد التجرت يو يچتفها ابحبل
ازيارة الما يرتضيها النه النه يخليها
* * *
سيف المهدي 
